Tagliolini con Salame al Tartufo

400gr. Tagliolini
100gr. Salame al Tartufo (trufflu salami)
1stk. skallott laukur
Ólífuolía og smjör
Salt og pipar að vild
Parmesan-Grana eða Pegorino

  • Laukurinn skorinn smátt og steiktur á lágum hita. Skerið salami í þunnar ræmur (Julienne cut) bætið því á pönnuna og steikið í nokkrar sekúndur.
  • Bætið því næst 1-2 ausu af heitu vatninu úr pastapottinum- útá pönnuna. Hellið restinni af vatninu af pastanu, setjið smjörklípu útí pastað og blandið saman við laukinn og salamíið á pönnunni.
  • Ekki gleyma að setja góðann rifinn ost yfir.

Buon appetito!

Strozzapreti con Salsiccia e vino rosso

400gr. Strozzapreti
400gr. Salsiccia krydduð kjötblanda
1stk. Laukur
250gr. Tómatar
1,5dl. Rauðvín
Klettasalat
Parmesan
Ólífuolíu, Salt og Pipar
Balsamic Elsa

  • Byrjið á að skera laukinn í ræmur (Julienne cut) og steikið á pönnu ásamt salsiccia í smá olíu.
  • Þegar komin er gylltur litur á laukinn bætið þá rauðvíni útí.
  • Tómatarnir eru skornir í teninga og þeim bætt útá pönnuna. Látið malla saman í nokkrar mínútur. Hellið síðan pastanusaman við sósuna. Ef rétturinn er of þurr á pönnunni, má nota smá af vatninu af pastanu.
  • Skammtið á diskanna, skreytið með klettasalati og gróf-rifnum parmesan. Skreytið réttinn með rönd af góðu balsamiki.

Buon appetito!

Linguini con Capperi, Olive e Pomodoro

400gr. Linguini
500gr. Tómatar
2stk. Hvítlauksrif
120gr. Svartar Ólífur
50gr. Kapers
Ólífuolía
Oregano,Salt, Pipar og Chili að vild

  • Saxið hvítlaukinn smátt og steikið á lágum hita í ólífuolíu, bætið útí kapers og ólífunum ásamt chili, setjið síðan tómatana saman við og látið malla.
  • Kryddið með salti og pipar að vild.
  • Hellið vatninu af pastanu og setjið útá pönnuna, blandið lítillega saman.
  • Blandið smá olíu saman við pastað eftir að búið er að hella af því vatninu.

Buon appetito!

Mezze Paccheri con Spezzatino

400gr Mezze Paccheri
500gr Spezzatino/Gúllas
2stk Laukar
2stk Hvítlauksrif
1stk Negulnagli
Rósmarín
2stk Lárviðarlauf
1dl Rauðvín
4dl Vatn
1msk. Tómatpúrre
Ólífuolía, Salt og Pipar

  • Saxið laukinn og hvítlaukinn smátt, steikið við lágan hita í smá olíu í nokkrar mínútur, bætið í kjötinu og steikið þangað til það er orðið aðeins brúnað.
  • Bætið í vatninu og síðan negulnaglanum ásamt smá af rósmarín, lárviðarlaufunum, tómatpúrre, salti og pipar.
  • Látið sósuna malla saman við lágan hita í u.þ.b. einn og hálfan tíma með lokið á, hrærið í af og til.
  • Þegar pastað er tilbúið, hellið af vatninu og blandið saman við sósuna í stóru íláti.
  • Berið fram.

Buon appetito!

Orecchietti con Broccoli e Salsiccia

400gr Orecchietti
350gr Brokkoli (Spergilkál)
350gr Salsiccia krydduð kjötblanda
2 stk Hvítlauksrif
Ólífuolía
Chili pipar að vild
Parmesan-Grana eða Pegorino

  • Skerið brokkólí í bita og sjóðið u.þ.b. 8 mínútur. Saxið hvítlaukinn og steikið með Salsiccia og chili í olíu í u.þ.b. 5 mínútur. Skerið brokkólíið smærra og setjið útá pönnuna ásamt 2 ausum af vatni úr pastapottinum.
  • Látið þetta malla á vægum hita áfram í 5-10mínútur.
  • Þegar pastað er soðið bætið útá pönnuna ásamt smá ólífuolíu og blandið öllu saman.
  • Berið fram með rifnum parmisan eða öðrum góðum osti.

Buon appetito.

Trofie al Pesto

400gr. Trofie
100gr. Pesto
150gr. Kartöflur
Ólífuolía eða smjör
Salt og pipar að vild
Parmesan-Grana eða Pegorino

  • Kartöflurnar skrældar og skornar í teninga, þær síðan soðnar með Trofie í ca 20 mín.
  • Smakkið pastað til; ef það er enn hart í miðjunni, slökkvið á hellunni og látið liggja 2-3 mín ívatninu með lokið á pottinum.
  • Blandið saman í stóra skál pestó og smá ólífuolíu eða smjöri.
  • Hrærið svo pastanu og kartöflunum saman við pestóblönduna.
  • Berið fram með rifnum osti.

Buon appetito!